Бујар Нишани потпиша указ за новите владини министри во Албанија

Претседател Бујар Нишани потпиша указ за новите владини министри, еден ден откако ги поднесе премиерот Еди Рама. Имињата на вицепремиерката и шесте технички министри кои ги предложи Демократската партија беа прифатени од премиерот Еди Рама и беа потпишани од Претседателот Бујар Нишани. Рама и Баша се сретнаа вчера за да се усогласат имињата, како и кандидатите за претседател на ЦИК и за Народниот правобранител. Претседателот Нишани го официјализираше 25 јуни како нов датум за парламентарни избори, кога ќе се одржат и изборите за градоначалник на Каваја.