Над 420 земјотреси за 24 часа во Албанија

 

Последниве 24 часа Албанија ја погодија над 420 земјотреси од кои 20 беа посилни и граѓаните ги почувствуваа. Според Институтот за геолошки науки во Тирана, станува збор за афтершокови по вчерашниот земјотрес од 5 степени по Рихтер чиј епицентар беше во близината на Драч. Потресите се редовна појава и се резултат на судирот на Јадранската микроплоча која е дел од две големи континентални плочи, Африканската и Евроазиската. Умерените земјотреси од 5 до 5,5 степени таму се случуваат на две или пет години.