Спасе Мазенковски посхумно прогласен за почесен граѓанин на општина Пустец

Советот на општина Пустец посхумно го прогласи Спасе Мазенковски за почесен граѓанин на општина Пустец поради неговото несебично залагање за унапредување на правата на Македонците во Албанија и за огромниот придонес како новинар, писател, публицист и афирматор на македонската култура и историја во Албанија.

Спасе Мазенковски ќе остане запаметен како голем македонски патриот, писател, новинар и публицист, кој целиот свој живот го посвети во афирмацијата на македонскиот етнички, јазичен, културен и верски идентитет и за унапредување на положбата и правата на Македонците во Република Албанија. Тој ќе остане како патоказ за идните генерации, за тоа како се сака и колку макотрпно се работи за својот народ.