Македонски весник Илинден – Makedonski vesnik Ilinden
Пејачот Андреј Ѓоргиески од групата ДНК загина во пожарот во Кочани. Според првичните информации, тој се вратил да спасува деца и да им помогне и се изгубил во толпата. Владимир Блажев Панчо од групата ДНК има изгореници на лицето и на раката, и е на кислородна поддршка, но е свесен. Двајцата се познати по хуманитарните акции во кои помагаа на сиромашни и болни
Како што веќе објавивме, музичарот Горги Горгиев од Струмица е меѓу 59-темина загинати во пожарот во дискотеката „Пулс“ во Кочани. Горгиев беше тапанар на групата ДНК која ноќеска настапуваше во дискотеката кога се случи пожарот. За смртта на младиот музичар извести струмичкот градоначалник Костадин Костадинов.
Во пожарот во дискотеката „Пулс“ во Кочани загинаа најмалку 59 луѓе, а 155 се повредени. За четири лица е распишана централна потерница, информираше министерот за внатрешни работи Панче Тошковски.
Познаниците, колегите, роднините, пријателите… се простуваат со Андреј со познатата песна од ДНК „Ако утре ме нема“.