Архиепископот на Тирана, Драч и цела Албанија, г.г. Јоан по повод 65-годишнината од стапувањето во свештеничкиот чин на Вселенскиот патријарх Вартоломеј

Архиепископот на Тирана, Драч и на цела Албанија, Неговото Блаженство Јоан, заедно со Папата Патријархот на Александрија и на цела Африка, Неговото Блаженство Теодор II, денеска го придружуваше Неговата Сесветост Вселенскиот патријарх Вартоломеј на патувањето кон Имброс, неговиот роден остров.

Присуството на тројцата Примати во Имброс е поврзано со одбележувањето на 65-годишнината од стапувањето на Вселенскиот патријарх Вартоломеј во свештеничкиот чин. Овој значаен јубилеј го одбележува неговиот долгогодишен пат на посветеност и служење на Големата Христова Црква.

На 13 август, во Имброс, ќе биде отслужена Божествена Литургија, на која ќе сослужуваат тројцата Примати.

Јубилејот потсетува на еден од клучните моменти во црковниот живот на Вселенскиот патријарх. Во 1961 година, по завршувањето на студиите на Богословската школа на Халки, тој бил ракоположен за ѓакон, со што започнал неговиот 65-годишен пат на црковна служба, посветеност и сведоштво во рамките на Црквата.

Одбележувањето на овој јубилеј во Имброс, родното место на Вселенскиот патријарх, има особено духовно значење, обединувајќи ја благодарноста за неговата долгогодишна црковна служба со молитвата и благодарноста кон Бога за многубројните благослови што го придружувале овој пат.