Foto:U.S. Embassy Tirana

Американскиот амбасадор Ерик Вендт оствари средба со студентите на Американската академија за технологија во Тирана (AATT), каде што разговараше за улогата на младите во развојот и иднината на Албанија.

За време на посетата, амбасадорот се запозна со образовните програми, технолошките иновации и можностите што им се нудат на студентите за нивна професионална подготовка.

Во разговорот со студентите беа разменети мислења за образованието, современите технологии, иновациите и предизвиците со кои се соочуваат младите.

Пораката од средбата беше јасна: младите, нивното знаење, креативност и ангажман претставуваат клучен фактор за напредокот и европската иднина на Албанија.