Албанија: Регистрацијата на гласачите од дијаспората за парламентарните избори почнува во сабота

Регистрацијата на гласачите од дијаспората за учество на парламентарните избори на 11 мај официјално ќе започне во сабота.

За оваа категорија, Централната изборна комисија на својата веб-страница ќе вклучи посебна опција која им овозможува на сите Албанци кои живеат во странство да се регистрираат преку компјутер или мобилен телефон.

Се што им треба е албанска лична карта и адреса во странство. Платформата ќе остане отворена за регистрација до 6 март.

Со измените и дополнувањата на изборниот законик за првпат албанската дијаспора ќе може да гласа на претстојните 11. по ред парламентарни избори.