Хоџа: Борбата против организираниот криминал и корупцијата останува предизвик за полицијата

Министерот за внатрешни работи Ервин Хоџа на свеченоста по повод 112-годишнината од формирањето на албанската државна полиција ги наброја предизвиците и критиките со кои се уште се соочува полициската структура.

Хоџа рече дека главен приоритет е борбата против корупцијата и организираниот криминал како и безбедност на граѓаните на целата територија на државата.

„Пред структурите на државната полиција, денес има некои од најкритичните предизвици на нашето време: борбата против организираниот криминал и корупцијата, гаранција на јавната безбедност во секој агол на Албанија, вклучително и целосна контрола на територијата, зголемување на ефективноста во истрагата на случаи на семејно насилство, трговија или кривични дела кои ги сметаме за мали, но кои ги нарушуваат основните права на нашите граѓани. Подобрувањето на услугите за граѓаните е уште едно барање и должност за вас, обезбедувајќи секој граѓанин да се чувствува поддржан и заштитен кога има потреба од државната полиција “, рече Хоџа.