Излезе од печат стихозбирката „Шафране мој“ на Сања Атанасовска

Македонската поетеса Сања Атанасовска ја објави збирката поезија „Шафране мој“. Книгата се состои од 56 песни, кои се поделени во две поглавја, „Љубовни песни“ и „Ехо на душата“. Главен мотив во песните е љубовта. Книгата е во издание на Слово љубве – букви букс од Скопје. Ова е четврта книга на авторката. Атанасовска на ова дело работеше за време на книжевниот резиденцијален престој во Цетиње, Црна Гора во април 2019 година.