Концерт на Златко Ориѓански и Фатос Ќеримај во Тирана

Вчера во организација и со финансиски средства од општина Тирана, се одржа голем концерт на двајца композитори, Фатос Ќеримај и Златко Ориѓански. Еден од Тирана, другиот од Скопје, секој со половина час своја музика, изведена од симфонискиот оркестар „Hybrid symphony“ составен со музичари од Атина, Тирана и Приштина. Ќеримај беше диригент, оркестарот изведе дел од неговата филмска музика, Ориѓански се претстави со дел од музиката за ,,Пред дождот“ и музика пишувана за театарските претстави на Слободан Унковски.