Масовно одбележан Воскресението Христово – Велигден во Тирана (ФОТО)

Foto: Kisha Orthodhokse Autoqefale e Shqipërisë

Воскресението Христово – Велигден, најголемиот христијански празник, свечено и масовно беше одбележан во Тирана, каде што голем број верници се собраа на празничната богослужба.

Централната литургија се одржа во Соборен храм „Воскресение Христово“ храм каде присутните со запалени свеќи и молитва го одбележаа Христовото воскресение. Во текот на богослужбата беа упатени пораки за мир, љубов, надеж и заедништво меѓу луѓето.

На настанот присуствуваа и голем број Македонци кои живеат и работат во Тирана, а дел од нив дојдоа заедно со своите семејства за да го прослават празникот во духот на православната традиција.

„Велигден е празник што нè обединува сите, без разлика каде се наоѓаме. За нас како заедница во Тирана, ова е особено значаен момент“, велат дел од присутните верници.

Свеченоста помина во достоинствена и празнична атмосфера, со заедничко честитање на празникот и традиционалниот поздрав „Христос воскресе – Навистина воскресе“.