Падна косовската Влада

Мнозинството пратеници на Косовскиот Парламент го поддржа барањето на опозицијата и изгласа недоверба на Владата на Иса Мустафа. Од 115 присутни пратеници за барањето на опозицијата за недоверба на Владата гласале 78 пратенци, против 34, додека тројца биле воздржани.

Барањето за изгласување недоверба на владата го поднела иницијативата за Косово со поддршка на Алијансата за иднината на Косово и Самоопредулување, како и 12 пратеници од редовите на партијата на власта.

Претседателот на Косово има обврска веднаш по изгласувањето на недоверба на владата да донесе одлука за закажување на предвремени парламентарни избори, најдоцна во рок од 45 дена.