Претседателот на Иран посилен одговор ќе има ако продолжи израелската агресија

Претседателот на Иран Масуд Пезешкиан вели дека иранските вооружени сили ќе дадат „поразителен и поболен одговор“ на Издраел доколку агресија против Иран продолжи.

Пезешкиан го издаде предупредувањето во телефонски разговор со ирачкиот премиер Мохамед Шиа Ал-Судани во неделата вечерта.

Иако му се заблагодари на Ал-Судани за неговата поддршка и солидарност со иранскиот народ и влада, претседателот ја повика ирачката влада да биде повнимателна кон своите граници и воздушен простор за да не бидат злоупотребени против Иран.

„Израелската агресија против Иран, користејќи го воздушниот простор и територијата на пријателска и братска земја, е јасна манифестација на криминалната и агресивна природа на режимот, како и непочитување на меѓународните закони и норми“, рече тој.

Пезешкијан истакна дека иако Иран не ја започнал војната, тој одговорил со цврстина, велејќи дека „поболен и поразителен одговор“ го чека Израел доколку актот на агресија продолжи.

Тој ги повика муслиманските нации да се спротивстават на беззаконието и очигледната агресија на Израел со решителност и на сите нивоа на меѓународни форуми. „Секоја земја што навистина посакува мир, безбедност и стабилност мора да се соочи со агресијата на ционистичкиот режим“, нагласи Пезешкиан.

За возврат, ирачкиот премиер остро ја осуди израелската агресија и им изрази сочувство на семејствата на жртвите. „Одговорот на Иран беше и легитимна одбрана на неговиот територијален интегритет и решителен одговор на режимот што се темели на окупација, криминал и кршење“, рече тој.

Осврнувајќи се на користењето на ирачкиот воздушен простор против Иран, Ал-Судани изјави дека Багдад поднел официјална жалба до Советот за безбедност на ОН во врска со ова, ветувајќи дека контролата на границите и воздушниот простор на Ирак ќе се спроведува со поголема сериозност./www.irna.ir