Рејтингот на Трамп падна на речиси најниско ниво од почетокот на мандатот

Рејтингот на американскиот претседател Доналд Трамп во последните денови падна на речиси најниското ниво во неговиот актуелен мандат, бидејќи гласачите од Републиканската партија се незадоволни од управувањето со економијата, покажуваат резултатите од најновата анкета на Ипсос.

Тридневната анкета, објавена од Ројтерс, покажа дека 39 проценти од возрасните Американци го одобруваат работењето на Трамп, што е намалување од претходниот 41 процент на почетокот на овој месец.

Најнискиот рејтинг на Трамп годинава и во овој мандат, од 38 проценти, беше регистриран во средината на ноември.

Републиканскиот лидер се врати на власт во јануари со рејтинг од 47 проценти, но неговата популарност оттогаш се намалува, особено за прашањата ана економското управување со земјата.