Словенечкиот претседател Пахор во посета на Албанија

На покана на албанскиот претседател Илир Мета, попладнево во Тирана пристигна претседателот на Република Словенија, Борут Пахор. Со сите државнички почести беше пречекан од својот домаќиn, dоцна попладне Пахор се сретнa и со албанскиот премиер Еди Рама а потоа и со лидерот на опозициската демократска партија, Љуљзим Баша.

Во текот на утрешниот ден планирани се средби со градоначалникот на Тирана Ерјон Велиај и со спикерот на парламентот Грамоз Ручи. Престојот во државата ќе го заокружи со посетата на градот Круја и тамошната тврдина, една од најголемите туристички атракции во Албанија.