Македонецот Гого Славески е нов светски шампион во бокс без ракавици 

Македонскиот борец, Горјан Гого Славески го освои појасот во бокс без ракавици во велтер категорија откако на поени го совлада Американецот Џејк Линдзи во главната борба на настанот кој се одржа во Мајами. Тоа беше борба на двајца борци кои немаа пораз до освој меч, Слаевски влезе со пет победи од пет дуели, а Линдзи со четири. Немаше предвремен финиш на мечот, но Гого беше подобриот, остави поголем впечаток и на крајот судиите немаа дилеми на кој треба да му ја дадат победата. Судиите беа едногласни, двајца од нив се одлучија за победа на Македонецот од 49-46, а еден 48-47.