Амбасадорот на Македонија во Тирана, Луфтим Спахиу освари средба со учесниците на утрешната манифестација “Промоција на македонски вина и вински туризам”

По повод “Недела на македонската култура”, во топла и пријатна атмосфера вршителот на должноста амбасадор на Македонија во Тирана, Луфтим Спахиу во македонската амбасада во Тирана, освари средба со учесниците на утрешната манифестација “Промоција на македонски вина и вински туризам”.

Разговаравме за срцето на македонските лозја и испреплетените приказни на генерации, кои внесуваат душа во познатиот македонски нектар “македонско вино”. На оваа средба со семејните винарии, ги споделивме соништата вткаени во секоја капка вино, гордост и љубовта кон земјата и македонската традиција. Заедно разменивме искуства, идеи и визии за промоција, на нивните производи со искреност и надеж за уште побогата винска иднина, објави Амбасадата на Македонија во Тирана.

Манифестацијата „Недела на македонската култура“ е во организација на Македонската амбасадата во Тирана и Македонскиот Културно-информативниот центар и се реализира со поддршка од Министерството за култура и туризам на Македонија, Министерство за економија, култура и иновации на Албанија и Општина Тирана.