Новата апликација на ЕУ треба да го намали застојот на аеродромите

Долгите редици на граничните контроли на аеродромот во Лисабон би можеле да завршат, барем така се надева Европската Унија по лансирањето на новата мобилна апликација „Патување во Европа“. Апликацијата е дизајнирана да ги забрза процедурите и да ги намали застојот предизвикан од новиот систем за влез/излез (EES) и им овозможува на патниците од трети земји однапред да ги регистрираат своите податоци, објавува Euronews.

Преку апликацијата, патниците можат да ги внесат своите лични податоци и податоци за патување и да пополнат краток прашалник за условите за влез, до 72 часа пред нивното патување. Иако користењето на апликацијата не е задолжително и не ги ослободува патниците од поминување низ гранични контроли, нејзината главна цел е да го намали времето потребно за проверки.

Системот за влез/излез (EES), кој е во функција од октомври, се соочи со тешкотии и доцнења во обработката на податоците, па затоа новата апликација се промовира како решение за забрзување на процесот. Првично, системот ќе биде достапен само на аеродромот во Лисабон, а постепено треба да се прошири и на други аеродроми во наредните недели.

Европската комисија спроведе ненајавена инспекција на аеродромот во Лисабон помеѓу 15 и 17 декември и заклучи дека има „сериозни недостатоци“ во контролите за гранична безбедност. Предупредувањата од Брисел ја поттикнаа португалската влада да преземе итни мерки, вклучително и тримесечно суспендирање на EES.