Албанија: Запалени наплатните рампи (ВИДЕО)

По протестот во близина на тунелот Калимаш во близина на Кукс во Албанија, граничниот премин Врбница – Морина е отворен за сообраќај, а албанските медиуми јавија дека во конфликтот на демонстрантите и полицијата се приведени дванаесет припадници на полициските сили и значителен број од демонстрантите. Министерот за внатрешни работи, Фатмир Џафај, на прес-конференцијата во Тирана, изјави дека од дванаесетте повредени лица припадници на полициските сили за итни интервенции на албанската полиција, еден е тешко ранет. За сега нема точни податоци за бројот на повредени од учесниците на протестот, кој започна во 11 часот пред влезот во тунелот Калимаш од страната на Кукс.

„Забраната за движење органите на власта во Албанија ја воведоа поради протестите кои се одржуваат во близина на тунелот Калимаш во Албанија, што од безбедносни причини го оневозможува движењето на возилата. Одлуката важи до понатамошно известување,“ велеше соопштението на косовската полиција. Поради затворањето на преминот на двете страни се создадени долги колони возила. Албанската полиција не им дозволи на медиумите да го следат протестот во близината на Калимаш, бидејќи оцени дека се работи за насилен протест. За време на протестот е запален објект за наплата на патарина.