„Еколог“ донираше десет амбулантни возила во Македонија

Eколог Интернационал донираше десет амбулантни возила комплетирани со потребната медицинска опрема и апарати за болниците низ државата. Оваа донација има за цел да го зајакне капацитетот на болниците и да го зголеми квалитетот на услугите во секторот за итни случаи, особено сега во периодот на пандемија кога потребите на граѓаните за итна медицинска помош значително се зголемени. Две од возилата беа предадени на болницата во Тетово и по едно во Куманово, Гостивар, Кичево, Дебар, Струга, Битола, Велес и Штип.