Иран: Франција потикнува криза на Блискиот Исток 

 

Иран ја критикуваше француската политика на Блискиот Исток, наведувајќи дека ја поттикнува регионалната криза, бидејќи Париз е “пристрасен и едностран “.Критиката на иранското Министерство за надворешни работи  дојде еден ден откако францускиот министер за надворешни работи, Жан-Ив Ле Дриан, го обвини Техеран за амбиции на Блискиот Исток.

Портпаролот на Министерство за надворешни работи, Бахрам Гасеми, изјави дека “се чини оти  Франција има пристрасен и едностран приод кон кризите во регионот и овој пристап, без разлика дали е  намерен или не, придонесува за претворање на потенцијалните кризи во реални. Ле Дриан ги даде своите забелешки во Саудиска Арабија за време на посетата со цел да се реши кризата предизвикана од соопштението на либанскиот премиер Саад ал Харири на 4 ноември дека планира да поднесе оставка.

Во Бејрут, член на парламентот за иднината на Харири, рече дека Харири планирал да замине од Саудиска Арабија на 17 ноември за да отпатува за Париз. Но, либанскиот министер за надворешни работи, Гебран Герге Басил, денеска во Москва изјави дека очекува Харири да се врати во Бејрут во текот на денот за да одлучи дали треба да продолжи со својот план да поднесе оставка.