Еден од најголемите синџири ресторани, КФЦ на 18.07.2019  во рамките на свеченото отвoрање на POINT Retail Park во Скопје го отвори својот прв „drive thru“ ресторан во Македонија. Преку препознатливиот модел на работење, популарен помеѓу големите синџири за храна во светот, новиот ресторан ќе им овозможи на сите оние кои се во брзање, без да излегуваат од својот автомобил, брзо и лесно да го купат својот омилен оброк.

Опремен со две дополнителни каси за нарачка и преземање на храната од надворешниот дел на ресторанот, преку новата „drive thru“ опција, процесот на земање на нарачката за секој возач е многу пократок и поедноставен.

„КФЦ синџирот на ресторани продолжува со предвидените планови за проширување во Македонија и воведување на новини во работењето. Позициониран на одлична локација, ресторанот покрај капацитетот за околу 150 посетители, вклучувајќи ја и терасата каде гостите ќе може да го почувствуваат вистинскиот дух на KFC, овозможи и отворање на повеќе од 30 нови работни места“ изјави г-дин Фатмир Фејзули, генерален менаџер на КФЦ Македонија.

Со овој ресторан КФЦ ја продолжува стратегијата да биде присутен во што поголем број на градови во земјата и да им ги понуди на своите ценети гости највкусните и свежи јадења од пилешко подготвени според тајниот оригинален рецепт со 11 состојки и зачини на основачот на КФЦ, полковникот Сандерс.

„Отворањето на уште еден ресторан во Скопје потврдува дека за многу кратко време ја стекнавме довербата на нашите гости и навистина ни е драго што тој број континуирано расте. Единствен од овој тип во Македонија, со својот уникатен и урбан дизајн и уреден со најсовремена опрема, ресторанот ја доловува енергијата на брендот препознатлива за КФЦ. Без разлика дали доаѓате сами или со друштво, во текот на првиот месец се предвидени многу активности и специјални попусти“ наведе Жаклина Герасимовска, маркетинг менаџер на КФЦ Македонија.

Ресторанот во текот на летото ќе биде отворен од 10:00 до 2:00 часот наутро. Истиот има вкупна површина од 420 m2 и се наоѓа на крстосницата меѓу „Македонско-косовска бригада“ и булеварот „Словенија“ во Скопје.