Лина Ѓорческа ќе игра за првата титула во оваа година во Италија

Лина Ѓорческа во Санта Маргарита Ди Пула, Италија ќе може да дојде до својата прва титула во оваа календарска година. Имено Лина и нејзината партнерка Бернарда Пера (САД) се изборија за финале во дубл, откако денеска со пресврт дојдоа до триумф над домапните тенисерки Камила Росатели и Аличе Матеучи (четврти носителки).

Италијанките првиот сет го добија со 6-4, вториот пак беше потполно во знакот на Македонката и Амариканката (6-1), а решавачката битка заврши со 10-8 за меч за пехар. Последната пречка до таа цел се Ева Вакако (Холандија) и Прартхана Томбаре (Индија) кои на турниров се трети носителки. Овој фјучерс се игра на земјени терени, а наградниот фонд е 25.ооо американски долари.