Македонскиот амбасадор Данчо Марковски денеска во просторите на Округот Корча оствари средба со Нертил Јоле префект на Округот Корча, на средбата беше присутен и Васил Стерјоски, претседател на Македонска алијанса за европска интеграција (МАЕИ).

На средбата се разговара за можностите за меѓурегионалната соработка меѓу Македонија и Албанија во области како што се: економија, земјоделство, социјална здравствена услуга, туризам и култура. Заедно споделивме ставови за интензивирање на соработката, фокусирани на регионoт Корча каде живее македонското малцинство, во општина Пустец, чија македонска заедница е мост на односи и соработка со Македонија.

Претходно, во текот на денов Марковски и Стерјовски  беа во посета на Универзитетот “Фан С. Ноли” во Корча и со  раководството на оваа високообразовна институција разговараа за проширувањето и конкретизирањето на соработката на овој со универзитетите од Република Македонија.