Македонско друштво “Илинден”-Тирана денеска во Скопје потпиша меморандум за соработка со Државниот архив на Македонија

Македонско друштво “Илинден“-Тирана од Република Албанија потпишаа Меморандум за соработка со Државниот архив на Република Македонија.

Со овој значаен чин документарното наследство на нас Македонците од Република Албанија станува предмет на соработка со Државниот архив на Македонија. Институционалната поддршка на Државниот архив кон нашето друштвото  ја официјализиравме денеска, за што изразуваме голема благодарност, рече за Македонски весник “Илинден”, Никола Ѓурѓаj  претседател на друштвото.

Објава има и Државниот архив во која се наведува дека Марјан Гијовски, Тулај Адеми и  Биљана Крстевска, како претставници на институцијата,  во рамки на средбата со овластување на директорот на Државниот архив, Наташа Котлар-Трајкова, бил потпишан Меморандум за соработка, со кој се дава правец на соработката меѓу двете страни.

Прибирање архивски материјали од оставината на видни претставници на македонското малцинство од Република Албанија, издавање заеднички публикации и истражувачки потфати се дел од активностите кои треба да почнат на почетокот на идната година. Државниот архив настојува да формира архивски фондови со документи од историјата на македонските организации кои дејствуваат во соседните земји, стои во објавата.

Се додава дека Меморандумот за соработка е прв ваков документ потпишан на друштвото „Илинден“ со институција од нашата држава.