Македонското меѓународно движење за човекови права со најава за подршка за Македонските политички затвореници 

Минчо Ташев, долгогодишен поддржувач на Македонското меѓународно движење за човекови права, продолжува со својата голема поддршка за иницијативите за заштита на македонските човекови права со донација од 30.000 долари за македонските политички затвореници и за нивните семејства.

Режимот на Зоран Заев апси Македонци кои се спротиставуваат на неговата брутална власт, пред, за време и по принудното преименување на земјата. Освен што апси дисиденти и ги држи во неподносливи затворски услови, тој испрати полициски специјалци да тепаат и апсат мирни демонстранти; избрка илјадници Македонци од работа (во јавниот и приватниот сектор); гаси медиуми и осудува новинари на затворски казни; им оневозможува пристап на критички граѓани и медиуми до социјалните мрежи; ја забрани употребата на името „Македонија“ и наредува прогон и закани кон македонски граѓани, притоа користејќи и физички напади и палеж.

ММДЧП го покрена прашањето на политичките затвореници во Македонија пред Европскиот Суд за Човекови Права и разгледува други правни лекови за нивно итно ослободување. Господинот Ташев продолжува да ги поддржува активностите на ММДЧП за заштита на човековите права низ целата територија на распарчената Македонија и ги повикува и другите граѓани да се придружат:

„Имаме многу горди Македонци во странство кои се успешни бизнисмени, и кои донираат за разни локални каузи, но сепак не се решаваат да помогнат за македонските каузи. Тоа е неприфатливо. Јас донирам за локални прашања, но мојот фокус секогаш е да им помогнам на Македонците на кои тоа им е најпотребно. Другите народи со право се помагаат меѓу себе кога нивната етничка заедница страда. Македонците се соочени со најголемата криза во изминатите децении, која директно го загрозува нашето постоење како Македонци. За тие кои сакаат да донираат само за да добијат даночно олеснување, ве поканувам да го прочитате текстот „Синдромот на богатите Македонци“ каде се објаснува не само колку се безначајни овие даночни олеснувања, но се укажува и колку недостигот на акција е штетен за сите Македонци. Донирајте тука. Донирајте уште сега.“