Машката македонска ракометна репрезентација ја совлада Романија во СЦ „Борис Трајковски“ со 32:24

Машката македонска ракометна репрезентација во рамки на првиот бараж дуел за пласман на СП, ја совлада Романија во СЦ „Борис Трајковски“ со 32:24. Очекувано ја оправда фаворитската улога нашата ракометна репрезентација, иако Романија имаше водство на стартот од 2:0. Веднаш потоа со серија од 6:0, Македонија се врати и оттогаш не престана да доминира на теренот. На полувреме се замина со предност од 15:10.

Во вториот дел со идентичен ритам, Македонија ја оддржуваше и ја зголемуваше предноста на паркетот, а на крајот црвено-жолтите сславеа со 32:24. Во нашиот табор, Ристовски запиша 14 интервенции, додека во листата на стрелците се издвоија Манасков со 6 и Лазаров 8 погодоци. Ракотеа кај Романците се издвои во листата на стрелците со запишани 5 погодоци.