Нишани: Албанија е во полоша состојба од 1997 година

Поранешниот претседател Бујар Нишани ја обвини Владата во Тирана дека дозволила повеќе градови во земјата да се под контрола на мафијашки групи. Нишани својот профил на „Фејсбук“ нагласува дека состојбата во земјата е полоша од онаа во 1997 година. Тој истакнува дека и покрај тоа што власта знае кои се мафијашките групи, не презела ништо против нив.

„Трговијата со дрога, почнувајќи од канабисот, херионот, па сè до кокаинот, ги има отворени сите потребни канали и им овозможи на оние кои се на власт да станат богати. Со милијардите што се заработуваат од дрогата се купуваат избори, се финансираат медиуми, а и се заработуваат за лични бизниси“, нагласува експретседателот на Албанија, Нишани.