Опозицијата на протести од 27 јануари во Албанија

Опозицијата во Албанија ќе се врати на улица на 27 јануари, во знак на незадоволство од владата на премиерот Еди Рама. Одлуката е донесена по средбата на лидерот на Демократската Партија, Лулзим Баша со парламентарната група. Се дознава дека парламентарната група на ДП одлучила да учествува на првата собраниска седница.

Последната седница се одржа на 18 декември минатата година, кога беше избрана привремената обвинителка, Арта Марку. Седницата се одржа во тензична атмосфера внатре, но и надвор од салата каде се одржуваа протести. На овој начин, опозициските пратеници се обидуваа да го блокираат процесот а користеа и солзавец. Според најавите, протестите ќе траат се до заминување на Владата на Рама.