Почна изборната кампања за делумните предвремени избори за градоначалници во Албнаија

Во Албанија денеска официјално почнува изборната кампања за делумните предвремени избори за градоначалници на шест општини во државата, поточно во Скадар, Пешкопеја, Драч, Вора, Рогожина и Лушња.

На изборите кои ќе се одржат на 6 март, во трка за градоначалничко место се 20 кандидати од три политички партии и една коалиција, владејачката Социјалистичка партија (ПС) на Еди Рама, опозициската Демократска партија(ПД) на Љуљзим Баша и партијата Ново движење (ЛРЕ) на Ариан Галдини.

За градоначалничко место со нив ќе се тркаат и кандидатите на изборната коалиција „Дом на слободата“ на Движењето за социјалистичка интеграција на Моника Круемади и Демохристијанската партија на Нард Ндока, во која комисијата не го призна како политички субјект за учество крилото на Сали Бериша. Сепак во повеќето од општините кандидатите се токму приврзаници на Бериша.

ПС, ПД и коалицијата „Дом на слободата“ свои кандидати имаат во шесте општини, додека ЛРЕ во две, Пешкопеја и Драч.

Меѓу дваесетте кандидати има три жени, сите под логото на Социјалистичката партија кои ќе се обидат да ја добијат довербата во Скадар, Драч и Љушња. На 6 март ќе се гласа на 940 гласачки места, а во единствениот избирачки список се запишани 648.536 лица со право на глас.