Поради поплавите прогласена вонредна состојба во седум општини во Србија

Во седум општини во Србија е воведена вонредна состојба поради надојдените реки по обилниот дожд, изјави претсавникот на српското Министерство за внатешни работи, Горан Николиќ. Поради надојдените води посебно е критична состојбата во западниот дел на Србија. Во моментот најкритично е во општините Љубовија и Гуча, бидејќи таму врне од утрово. Добро е што почна да се намалува нивото на надојдената вода каде што беше критично во текот на ноќта – Лозница, Крупањ, Осечин, таму се подобрува ситуацијата, посочи Николиќ. Во неколку населени места надојдената вода поплави десетици објекти, еден мост е урнат, а 48 луѓе се евакуирани.