Преставници на Македонската Православна Црква-ОА, Митрополитите Преспанско-пелагониски и Брагалнички на опелото на Архиепископот на Тирана, Драч и цела Албанија, Анастас

Денска во катедралниот храм „Воскресение Христово“ во Тирана се отслужени Литургија и опело за блаженоупокоениот Архиепископ Тирански и на цела Албанија Анастас. На опелото началствуваше Цариградскиот Патријарх Вартоломеј, во сослужение на синодските архијереи на Автокефалната православна црква на Албанија.

Молитвено беа присутни делегации од помесните Православни Цркви, меѓу кои беа Патријарсите: Цариградски Вартоломеј, Александриски Теодор, Ерусалимски Теофил, Бугарски Даниил, поглаварите на Кипарската и на Грчката Црква: Архиепископите Георгиј и Јероним. Руската Православна Црква беше претставена од претседателот на Одделот за надворешни црковни врски, Митрополитот Волаколамски Антониј. Исто така, свои претставници имаа и останатите помесни Цркви.

Претставници на Македонската Православна Црква-Охридска Архиепископија беа Митрополитите: Преспанско-пелагониски и администратор Австралиско-новозеландски Петар и Брагалнички Иларион.