Мисијата на ОБСЕ во Република Албанија организираше консултативен состанок со претставници на организациите на граѓанското општество за прашања на националните малцинства, со цел поттикнување на дијалогот, размена на перспективи и зајакнување на соработката.

Претставници од македонските, влашките, ромските, египетските, црногорските, босанските и српските заедници ги споделија своите искуства, предизвици и приоритети за унапредување на правата на малцинствата и социјалната инклузија.

На состнаок беше Ендрит Фетаху, потпретседател на Македонска алијанса за европска интеграција (МАЕИ) и проф. д-р Кимет Фетаху, активист за правата на Македонците во Албанија со потекло од областа на Голо Брдо.

Дискусијата помогна да се идентификуваат нови можности за соработка и да се пронајдат начини на кои Мисијата на ОБСЕ во Република Албанија може да продолжи да ги поддржува еднаквите права, инклузивното учество и поефикасните механизми за заштита на сите национални малцинства во Република Албанија.