Првиот приватен весник Дневник од утре останува во историјата

Првиот приватен весник во независна Македонија, Дневник, од утре нема да се печати. Оваа одлуката денеска на вработените им ја соопштил Александар Динев, сопственикот на новата фирма „Медиа принт“ која го издава  „Дневник“. Вработените од утре се на одмор кој ќе трае 20 дена, додека да се средат формалностите. Исто така, нема да постојат ни „Телеграф“, „Вест“, „Утрински“, „Теа модерна“, кои исто така беа дел  „МПМ“. Дневник беше првиот приватен дневен весник и почна да излегува на 20 март 1996 година.