Русија донесе одлука да протера седум дипломати од балтичките земји и Словачка

Русија прогласи двајца литвански, еден летонски, еден естонски и тројца словачки дипломати за „персона нон грата“, пренесува Агенција Анадолија (АА). Во изјавата дадена од руското Министерство за надворешни работи се наведува дека во Министерството се поканети литванскиот амбасадор во Москва, Еитвидас Бајарунас, амбасадорот на Летонија во Москва, Марис Риекстинш, и потсекретарот на московската Амбасада во Естонија, Пирет Реинтам Бено.

Во Министерството до амбасадорите бил истакнат протестот од Русија за одлуката за депортација на руските дипломати од овие земји на „неоснован и провокативен“ начин. Посочувајќи дека Вилнус, Рига и Талин продолжуваат да го следат „непријателскиот“ пат кон Русија, во изјавата се наведува дека овие балтички земји се солидаризираат со Чешка против Русија.

„Врз основа на принципот на реципроцитет, од двајца вработени од Амбасадата на Литванија и од еден од Летонија и еден од Естонија е побарано да ја напуштат Русија во рок од 7 дена“, се нагласува во изјавата. Исто така, во изјавата се наведува дека естонскиот амбасадор Љубомир Рехак е поканет во Министерството за надворешни работи на Русија и дека му е врачена нота.

Според изјавата на руското Министерство за надворешни работи, тројца руски дипломати во Словачка се прогласени за „персона нон грата“ со „апсурдни и измислени“ обвинувања, а Словачка со антируски кампањи спроведува „лажна“ солидарност со Чешка.

Во изјавата се наведува дека тројца естонски дипломати се прогласени за „персона нон грата“ како реципроцитет и дека од дипломатите е побарано да ја напуштат Русија до 5 мај.

Advertisement