Светскиот Македонски Конгрес најостро ја осудува изјавата на Еди Рама во интервју за швајцарскиот весник

 

Светскиот Македонски Конгрес (СМК) најостро ја осудува изјавата на албанскиот премиер Еди Рама, во интервју за швајцарскиот весник “Tages-Anzeiger“, со која Македонците ги именува за “славомакедонци“, Албанците ги смета за “една третина од населението во Македонија“, а Македонија ја споредува со Швајцарија. СМК го потсетува Еди Рама дека ниту постојат “славомакедонци“ во светот, ниту Албанците во Македонија се една третина, ниту Македонија е Швајцарија како пто не е ни Албанија.

СМК изразува чудење зошто Еди Рама е загрижен од руско присуство на Балканот, кога Албанија порано веќе била во сојуз и со Советскиот Сојуз и со Народна Република Кина.

СМК смета дека суверено право е на секоја нација да определи дали и кон кој сојуз ќе пристапи, пристапот на Албанија не е рецепт за останатите.

СМК јавно ја повикува Владата во Тирана да ги воспостави дипломатските односи со Македонија под незјиното државно име и да усвои амандман на Уставот дека “Албанија нема територијални претензии кон соседите“, како што тоа го стори Македонија во 1992 година!

СМК и натаму смета дека е неприфатливо мешањето на Албанија во внатрешните работи на Македонија и јавно ја повикува Владата во Тирана да се откаже од наци-фашистичката креација “Голема Албанија“!

СМК иницира склучување на Договор за траен мир и добрососедство меѓу Македонија и Албанија и склучување на Договор за положбата и правата на македонците во Албанија и за положбата и правата на Албанците во Македонија врз принципите на меѓународното право: еднаква сувереност, немешање во внатрешните работи и заемно почитување на реципроцитетна основа – Што за Албанците во Македонија, тоа за Македонците во Албанија!