Трета награда на „50 Детски Рацинови средби“ за Сара Џелили Македонка од Голо Брдо ученичка од ОУТУ „Ванчо Питошески“

Младата средношколка Сара Џелили Македонка од Требиште областа Голо Брдо ученичка од ОУТУ „Ванчо Питошески“ во прва година е наградена за нејзината поетска творба „Мојот град – моја инспирација“ под менторство на професорот по македонски јазик и литература, Перчо Божиновски, на литературниот конкурс на јубилејната поетска манифестација „50 Детски Рацинови средби“ во организација на Клуб на писатели „Коста Солев Рацин“ и општина Велес. Да се добие ваква висока награда е голема чест и задоволство, пишувајќи за својот град, но особено затоа што станува збор за највисока детска поетска манифестација од државен ранг преку која се негува пишаниот збор како и ликот и делото на нашиот писател Кочо Рацин.