Во организација на Македонската православна црковна општина “Свети Наум Охридски“ од Тринген под претседателство на Ванчо Соларов, Македонската православна црковна општина “Сите Македонски Светители“ од Лозана под претседателство на Дејан Аџијоски и Македонската православна црковна општина “Света Богородица“ од Локарно под претседателство на Трајко Ковачев, на 7 мај 2017 година во Берн, со почеток во 16.00 часот на Waldeckweg 2, 3053 Münchenbuchsee, ќе се одржи Втора семакедонска средба за помирување и обединување на Македонската заедница во Швајцарија.
Ова е втора средба во организација на македонските православни црковни општини после првата која се одржа на 25 март 2017 година во Тринген. Претставниците на македонските православни црковни општини и македонските друштва и организации ќе ги анализираат ефектите од претходно заеднички усвоената декларација за унитарна и заедничка, единствена и обединета Македонија, со цел семакедонско помирување и обединување во една и единствена Македонска заедница во Швајцарија.
Организаторите се надеваат дека на оваа втора семакедонска средба ќе биде формирано Координативно тело за обединување во една и единствена Македонска заедница во Швајцарија. Светскиот Македонски Конгрес упатува искрени честитки за работата на Втората семакедонска средба во Швајцарија и го охрабрува обединувањето на македонските друштва и организации во една и единствена Македонска заедница во Швајцарија.
Втора семакедонска средба за обединување на Македонската заедница во Швајцарија
Advertisement