Политичката партија Демократи го прослави својот прв роденден 

Имено, на 11 август 2018 год. во Скопје се одржа Основачкото собрание на политичката партија ДЕМОКРАТИ. Иако во почетокот основањето на партијата беше третирано како авантура, сепак нејзините основачи и се поголемиот број на членови на ДЕМОКРАТИ покажаа и докажаа дека напорната работа се исплати. Инаку, вредно е да се спомне дека политичката партија ДЕМОКРАТИ моментално е единствена партија во Македонија која не коалицирала и нема намера да коалицира со ниту една друга партија бидејќи нивната програма се темели на мотото СТОП за аномалиите во државава и одбивање на соработка со партии кои се вплеткани во корупција или се формирани од лица кои досега коалицирале и помагале коруптивни дејства од досегашните владеачки партии.

ДЕМОКРАТИ се создадени и во ДЕМОКРАТИ членуваат лица со достоинствено животно и професионално искуство, а во нивните редови е добредојден секој кој има намера македонската држава да стане достојно место за живеење. ДЕМОКРАТИ, со својата Програма, се определиле за искористување на знаењето и работливоста на секој граѓанин на Македонија. На тој начин, секој професионално ќе си ја извршува својата работна задача за што ќе биде и соодветно награден. ДЕМОКРАТИ, во изминатава година, покрај постојаните средби со жителите нив градовите и селата во државава, одржуваа и контакти и развиваа соработка со бројни меѓународни институции, партии и политички личности.

Македонското друштво „Илинден“-Тирана е еден од субјектите со кои активно соработува политичката партија ДЕМОКРАТИ. Во име на нашата досегашна и со желба за плодна идна соработка, Македонското друштво „Илинден“ – Тирана им го честита првиот роденден на ДЕМОКРАТИ и им посакува натамошни успеси и остварување на зададените цели.