Во распределбата на помошта беа вклучени вработените на Општина Булќиза и вработените на админстративната единици Острени, областа Голо Брдо. Општината Булќиза, каде територијално припаѓа и административната единица Острени, областa Голо Брдо, населена главно со Македонци, распредели помош за најзагрозените семејства која се состои од храна.

Помошта што ја доделува Општина Булќиза во соработка со фирмите “Дрини” и “Герти”, до секој дом ја донесоа вработени во локалната самоуправа со теренско возило поради лошата патна инфраструктура. Секое семејство беше информирано за бројот на телефон на кој за каква било потреба може да се јави. Административната единица Требиште, областa Голо Брдо е некогашната општина Острени, која беше укината со Законот за територијална поделба.

Македонско друштво “Илинден”-Тирана упати и офцијално барање до градоначалникот на општина Булќиза, каде територијално припаѓа поголемиот дел од областа Голо Брдо, при распределба на хуманитарна помош да бидат опфатени и Македонците од оваа област.

Во исто време друштвото искажува благодарност до градоначалникот на општина Булќиза, Лефтер Ала за хуманитарна помош што денска стигна во Острени, областа Голо Брдо.