Социјалистичкото движење за интеграција најавува протести против Владата

Социјалистичкото движење за интеграција, одржа конвенција на партијата во Тирана. Претседателката на СДИ Моника Криемади рече дека на Албанија и треба национален опозициски фронт. Таа најави дека опозицијата ќе излезе на улици да протестира. „Ние ќе бидеме на улици и плоштади за нов договор со граѓаните и создавање на анти – мафијашка влада која ќе ја врати стабилноста и достоинството“, рече Криемади. Шефот на парламентарната група на СДИ, Петрит Васили, во својот говор рече дека „штетата што и ја прави Еди Рама на земјата е голема. Колку повеќе Рама останува на власт, толку потешко ќе биде Албанија да ја донесеме во патот што го сакаме“, рече Васили. Според Васили, заминувањето на Рама нема да задоцни.