Швеѓанец шверцува 19 пиштоли од Албанија за Германија

На граничниот премин Муриѓан помеѓу Албанија и Црна Гора албанската полиција открила шверцер што тргувал пиштоли од Албанија за Германија. Извори од полицијата за Македонски весник “Илинден” наведуват дека Швеѓанецот Себастијан Рикард, кој има 21 година, се обидел да прошверцува 19 пиштоли во калибар 7,65 од Албанија во Германија. Швеѓанецот патувал со автобус на релација Албанија-Косово-Германија, а пиштолите ги скрил во своите лични работи во куферот. Истиот извор нагласува дека Швеѓанецот е уапсен и јавното обвинителство во Скадар ги презема сите потребни активности за поведување пријава за кривично дело шверц со оружје.