Двајца Македонци кандидати за градоначалник на Општина Пустец

Двајца Македонци се кандидати за градоначалник на Општина Пустец, областа Мала Преспа на локалните избори во Албанија, кои ќе се одржат на 14 мај, каде мнозинство е македонското население.

Актуелниот градоначалник Пали Колефски  како заеднички кандидат на владејачката Социјалистичка партија и Македонска алијанса за европска интеграција, вели дека очекува голема поддршка од граѓаните и победа за да се реализираат сите започнати проекти.

Негов противкандидат е Панди Јани кој доби поддршка од Партијата на слободата на поранешниот албански претседател Илир Мета. На стартот на кампањата Јани вети нов лик, чиста и модерна општина Пустец која ќе прерсне во вистински туристички центар.