Македонски весник Илинден – Makedonski vesnik Ilinden
Градоначалникот на општина Пустец ја отфрли вистинитоста на наодите искажани во емисијата „Пирањат“ на Сири ТВ, кои во
својата емисија пренесоа дека според анализите што ги направиле за параметрите на водата, водата за пиење од новиот водовод во Пустец има високо ниво на бактериолошка загаденост и не се препорачува за пиење. Според градоначалникот Пали Колефски со изградбата на водоводот во Пустец од страна на општина Пустец се направени сите анализи за проверка на параметрите на водата, во три различни лаборатории, и во 2023 година се направени 4 проверки и во сите случаи, водата беше во рамките на дозволените стандарди.
Подолу целата реакција на градоначалникот на општина Пустец, Пали Колефски:
Почитувани сограѓани од општина Пустец, Вчеравечер во емисијата „Пирањат“ беше емитуван материјал поврзан со водата за пиење на нашата општина. Чувствувам морална и граѓанска обврска, како еден од вас, да ја разјаснам ситуацијата пренесена во медиумите за водата што ја консумираме секојдневно. Завршената инвестиција на Водовод-Канализација Пустец е до денес најпотребниот и најважниот проект за расчистување на овој проблем што со години постои во нашата општина.
Повеќето села од оваа општина настрадаа од недостиг на вода за пиење, а денес со голема гордост успеавме да го снабдиме целото население со вода. Ова е, исто така, благодарение на вас кои не поддржувавте на секој чекор од нашето патување, здружувајќи се во многу дискусии и донесување одлуки. Во врска со емисијата емитувана вчера, преку фактите ве известувам дека од страна на општина Пустец се направени сите анализи за проверка на параметрите, во три различни лаборатории, каде само оваа година извршивме 4 проверки како тоа. Во секој случај, водата беше во рамките на дозволените стандарди. (Во прилог на статусот, најдете ги документите кои ги покажуваат одговорите на анализите.)
Општина Пустец ги исполни сите обврски за вршење периодични контроли од ваков тип, без да наиде на проблеми од потврдата на одговорните институции. Инициравме контрола на параметрите на водата, при што сме целосно подготвени да ги преземеме сите мерки за да ја потврдиме автентичноста на овие информации пренесени до вас. Врз основа на ингеренциите што ги имаме како општина, ова е и останува наша единствена обврска. Останатото е методолошки и научен процес кој го исполнуваат институции кои не се зависни од нашата општина. Ви гарантирам дека ќе продолжиме да работиме со вистинска посветеност за да обезбедиме висок квалитет на живот во секоја насока. – стои во рекцијата на градоначалникот на општина Пустец, Пали Колефски.