Лидерот на Македонското движење за човекови права Николов до “експертите” за Преспанскиот: Зошто ги кршите правата на Македонците

Лидерот на Македонското движење за човекови права (ММДЧП) Бил Николов ги прашува таканаречените домашни и странски стручњаци зошто го поддржуваат културниот геноцид на македонскиот народ. Николов им се обраќа на тие што јавно или со премолчување го промовираат или поддржуваат договорот од Нивици.

“Би сакал таканаречените „експерти“ кои го поддржуваат анти македонскиот Преспански договор за кршење на човековите права да го прочитаат овој мој коментар. Потоа кажете ми како можете да поддржувате културолошки геноцид врз мојот народ”, пишува Николов користејќи го хаштагот #Македонија и приложувајќи ја неговата предходно објавена анализа на страната на ММДЧП.

Поводот за реакцијата на Николов се ставовите на британскиот политолог Џејмс Кер Линдзи кој упорно го промовира Преспанскиот договор како добар. Причината за реакцијата е некритичкото однесување на голем дел од западните познавачи на Балканот кои под влијание на политиката ги занемаруваат штетните последици на договорот со Грција за Македонците и македонската нација.