Македонски весник Илинден – Makedonski vesnik Ilinden
Министерството за култура и Министерството за образование и наука соопштија дека со одлуката за Блаже Конески отпочнува иницијативата за приклучување кон прославата на оваа Меѓународна година со програма посветена на нашиот великан по повод стогодишнината од неговото раѓање.
„Оваа годишнина заслужува сите актери на културниот, академскиот и општествениот живот да ги мобилизираат своите креативни сили за достоинствено чествување на ликот и делото на Блаже Конески. Мирот и довербата се стожерите на неговата поетска и научната дејност”, велат од министерствата и додаваат дека подготвуваат платформа за усогласување на различните настани што ќе се одвиваат на национално и на меѓународно ниво.
Денот на раѓањето на Конески е запишан и на Листата на УНЕСКО за одбележување значајни јубилеи во светот во текот на 2021 година.