Македонското друштво “Илинден”-Тирана ќе учествува на Конгресот на ФУЕН што ќе се одржи во Хусум, Германија 

Македонското друштво “Илинден”-Тирана, ќе учествува на Конгресот на Федералната Унија на европски националности (ФУЕН) ќе се одржи од19 до 22 септември во Хусум, Германија.

Изминатите девет години, од кога сме рамноправна членка на Федералната Унија на европски националности (ФУЕН) редовно учествува на сите Конгреси и други активности. Ќе учествуваме и на овој конгрес чиј домаќин ќе биде организацијата  на Севернофризите, информираше Никола Ѓурѓај, претседател на друштвото “Илинден”.

Според него Федералната Унија на европски националности (ФУЕН) годинава одбележува 75 години постоење, и понатаму “останува главен  застапник за правата на малцинствата во Европа”.

Значи, оваа прослава, како што е нашата заедничка констатација, нека биде не само за она што го Федералната Унија на европски националности (ФУЕН) го постигна за 75 години, туку и за она што треба да се постигне за да се гарантира заштитата и промоцијата на малцинските јазици и култури во Европа, и да ја искористиме истрајноста на севернофризите како инспирација за тоа, посочи Ѓурѓај.

Македонското друштвото ”Илинден”-Тирана член е на Федералната Унија на европски националности (ФУЕН) е од 16 мај 2015 година и е дел од работната група на словенските малцинства. Во овој период редовно учествува на Конгреси и други активности, а по предлог на друштвото усвоена е и Резолуција за положбата на македонското малцинство во Република Албанија.