Министерот за внатрешни работи на Македонија, Оливер Спасовск на посета во Гора, Косово (ВИДЕО)

 

Министерот за внатрешни работи на Македонија, Оливер Спасовски денеска заедно со градоначалникот на општина Маврово и Ростуше Медат Куртовски, преку граничниот премин Стрезимир на македонско–косовската граница ги посети Македонците во областа Гора. Министерот за внатрешни работи на Македонија, Оливер Спасовски го пречека косовскиот колега Бејтуш Гаши и директорот на полицијата на Косово Наим Реџа и преседателот на партијата “Единствена горанска партија“ и пратеник во косовскиот парламент Адем Хоџа и голема група Македонци од областа Гора и заедно го посетија општината Драгаш.

Министерот за внатрешни работи на Македонија, Оливер Спасовск изјави дека „Заедничката посета на општината Драгаш во Косово, што ја организиравме со градоначалникот на општина Маврово и Ростуше Медат Куртовски е многу значајна активност. Посетата на Рестелица отвара нови можности и нови коридори за комуникација на нашите граѓани од двете држави и е исклучително важна“, изјави министерот Спасовски.

Тој по пристигнувањето во општина Маврово и Ростуше во месноста Трница, додаде дека тука е за да се укаже на важноста на овој регион. „Мора сите да придонесеме овој регион да добие на значење и граѓаните да го добијат тоа што го заслужуваат, и заедно да го развиеме овој крај“, додаде Спасовски.

Во областа Гора, на падините на Шар Планина распослани се 18 села, населени со Македонци со муслиманска вероисповед, познати под името Горанци.

 

 

Advertisement