Русија се враќа во Советот на Европа

Русија доби поддршка од Парламентарното Собрание на Советот на Европа, по неколку години да се врати во тоа тело, пренесе „Дојче веле“. Украина не го прифаќа тоа. На Москва ѝ беа суспендирани гласачките права поради анексијата на Кримскиот полуостров.

Парламентарното Собрание на Советот на Европа ја повика руската делегација да учествува во јунското заседание, а резолуцијата по тој повод била усвоена доцна синоќа, по девет часа дискусија.

„Правото на членовите да гласаат, да зборуваат и да бидат претставени во Собранието и нејзините органи не може да биде суспендирано ниту поништено во конеткст на оспосрување или ревидирање на овластувањата“ се наведува во текстот на документот. Во него се додава дека основните права не може на никаков начин да бидат санкционирани, но сепак, како и претходно, останува можноста за оспорување на овластувањата на делегациите.