Средба на потпретседателот на Македонската алијанса за европска интеграција, Едмонд Османи со министерот за внатрешни работи Ервин Хоџа

Потпретседателот на Македонската алијанса за европска интеграција, (МАЕИ), Едмонд Османи, оствари пријателска средба со министерот за внатрешни работи, Ервин Хоџа, на која во фокусот на разговорот беше граничниот премин Требиште – Џепиште и важни прашања кои ја засегаат македонската заедница во областа на Голо Брдо.

Министерот Хоџа покажа длабоко познавање и посебна почит кон македонската заедница и жителите на Голо Брдо, изразувајќи подготвеност граничниот премин да се отвори што е можно поскоро за сите граѓани и да функционира 24 часа дневно.

Тој истакна дека ова ќе донесе економски развој за регионот и подобрување на животот на секое семејство, како дел од визијата за подобра и одржлива иднина за овој крај.